Біздің назарда
Судың қаттылығын қалай анықтауға болады? Біріншіден, қақтың пайда болуы осыны аңғартады. Екіншіден, қатты судың ащы дәмі болуы мүмкін. Біз өзіміздің дәм сезгіш рецепторларымызға сүйенбей, ішетін судың қаттылық деңгейін білу үшін тәжірибе жасап көрдік. Су сапасын білу үшін лакмус жолақтарына жүгіндік. Мұндайларды аквариумистер дүкенінде сатады.

Лакмус жолақтарында түрлі-түсті төртбұрышпен көрсетілген (жоғарыдан төменге): жалпы қаттылық, карбонатты қаттылық, PH деңгейі және хлор құрамы. Бізді судың жалпы қаттылығын білдіретін ең жоғарғы жолағы қызықтырады. Қалған көрсеткіштер бойынша тазартылған судан басқа барлық сынамаларда су қабылданған нормаларға сәйкес келеді.
Қатылығын анықтаймыз
Тәжірибенің тазалығы үшін Қостанайдың суын алдық:
1. краннан аққан су (фильтрден өтпеген),
2. қайғана әрі тұнған,
3. бұлақ суы (Науырзым қорығы),
4. дистилденген (арнайы құтыларда сатылады)

Тәжірибеге сүйенсек, краннан қаттылығы орташа су ағатынын көреміз. Краннан аққан су мен қайнаған су арасындағы лакмустың түс айырмашылығы шамалы, бірақ қайнаған судың қаттылығы аз.

Ал бұлақ суы жұмсақ, бұған қоса ол барлық көрсеткіштер бойынша су құбырына келетін судан жақсы.

Дистилденген су лакмус жолақтарының дәлдігін тексеру үшін алынды. Фотода суда артық заттың жоғы көрінеді, қандай да бір заттардың мөлшері рұқсат етілгеннен әлдеқайда аз. Бұл дистилденген суға тән үрдіс.
Біз судың қаттылығы бойынша тәжірибе жүргізуді жалғастырамыз және «Біздің назарда» парақшасындағы деректерді жаңартып отырамыз.
Made on
Tilda